“Əvvəla bu, Azərbaycan xalqı və bütün laçınlılar üçün fəxrdir ki, Laçın və Zabux kəndi bizə qayıtdı. Ən çox ona görə sevinirik ki, artıq o yerlərdə düşmən yoxdur. Bu günki gündə şəhidlərimizin də ruhu şaddır ki, o yerlərə ermənilər ayaq basmır. Bu günki günə şükür olsun. Cənab Prezident çox gözəl bir addım atdı və Laçınımız tamamilə azad olundu”
Bunu Məcra.az-a açıqlamasında Əməkdar artist Məhəbbət Kazımovun oğlu Rəşid Kazımov deyib. R.Kazımov Laçında atasının ifasında məşhur “Laçınım” mahnısının səsləndirilməsinə də münasibət bildirib:
“Laçınım” mahnısı səslənəndə bir azərbaycanlı, Məhəbbət Kazımovun oğlu kimi fəxr hissi yaşadım ki, həm generalımız Laçının azad edilməsini Cənab Prezidentə məruzə etdi, həm də ondan sonra səsgücləndiricilərlə mahnı səsləndirdi. Bu təkcə mənim üçün yox, bütün soy-kökümüz üçün gözəl bir an oldu, hamımız duyğulandıq”.
Vasif Əlihüseyn