Masallıda ağır yol-nəqliyyat hadisəsi baş verib.
Mecra.az xəbər verir ki, hadisə səhər saatlarında Ələt-Astara magistralının Masallı rayonu ərazisindən keçən hissəsində qeydə alınıb.
Belə ki, Masallının Ərkivan qəsəbə sakini 1990-cı il təvəllüdlü Şədulla Vəliyevin idarə etdiyi “KİA Optima” markalı minik avtomobili “KamAZ” markalı yük maşını ilə toqquşub.
Qəza nəticəsində minik avtomobilinin sürücüsü və sərnişinlər – Masallı rayonunun Ərkivan qəsəbəsindən olan 1966-cı il təvəllüdlü Sevda Hüseynova, 1976-cı il təvəllüdlü Aslan Hüseynov və 1975-ci il təvəllüdlü Şəhla Vəliyeva müxtəlif dərəcəli bədən xəsarətləri alaraq Masallı Rayon Mərkəzi Xəstəxanasına hospitalizasiya olunublar.
Həkimlərin səylərinə baxmayaraq, Şəhla Vəliyevanın həyatını xilas etmək mümkün olmayıb.
Faktla bağlı araşdırma aparılır (Qafqazinfo).