Bu gün Azərbaycanin ərazi bütövlüyünün təmin olunmasında misilsiz xidmətləri olan Xüsusi Təyinatlı Qüvvələrimizin yaradılmasından 26 il ötür.
Xüsusi Təyinatlı Qüvvələrin bölmələri 2016-cı ilin aprelində baş vermiş döyüşlərdə iştirak ediblər. Döyüşlər zamanı düşmənin çoxsaylı canlı qüvvəsi və hərbi texnikası məhv edilib.
İkinci Qarabağ Müharibəsi zamanı da XTQ şəxsi heyəti xüsusi qəhrəmanlıq göstərməklə düşmənlərimizin qorxulu röyasına çevrilib.
Onu da qeyd edək ki, bu müharibə Azərbaycanda ilk dəfə olaraq bütün xüsusi təyinatlı birləşmələrinin aktiv şəkildə istifadə edildiyi müharibə hesab edilib. Xüsusi Təyinatlı Qüvvələrin şəxsi heyətindən İkinci Qarabağ Müharibəsində iştirak etmiş 36 nəfər Vətən Müharibəsi Qəhrəmanıdır, 2 nəfər “Zəfər” ordeni ilə, 57 nəfər “Qarabağ” ordeni ilə təltif edilib.
Xüsusi Təyinatlı Qüvvələrin şəxsi heyətini təbrik edirəm. Allah şəhidlərimizə rəhmət eləsin.
Ədalət Verdiyev,
hərbi ekspert