Bu gün Vətən müharibəsi şəhidi Ümüd Qasımzadənin doğum günüdür.
Mecra.az xəbər verir ki, Qasımzadə Ümüd İlqar oğlu- 13 aprel 2001-ci ildə Cəlilabad rayon Göytəpə şəhərində anadan olmuşdur. 2018-ci ildə şəhid Vasif Hüseynov adına Göytəpə şəhər 2 nömrəli tam orta məktəbi bitirmişdir.
Yeniyetmə yaşlarından idmanın ağır atletika idman növünə maraq göstərmişdir. Ümüd Qasımzadə Cəlilabad rayon Gənclər və İdman İdarəsinin nəzdində fəaliyyət göstərən UGİM-də mərhum əməkdar məşqçi Qadir Babayevin yetirməsi olub.
Cəlilabadlı atlet müxtəlif vaxtlarda Respublika və beynəlxalq səviyyəli yarışların iştirakçısı və mükafatçısı olmuşdur:
- Ağır atletika üzrə Azərbaycan birinciliyi – ll yer
- Ağır atletika üzrə gənclər arasında Azərbaycan birinciliyi – ll yer
- Ağır atletika üzrə gənclər arasında 10-13 may 2019-cu il Azərbaycan birinciliyi – ll yer
- “Təhsil” Respublika İdman Kompleksində ağır atletika üzrə gənclər arasında – l yer
- Ağır atletika üzrə Respublika yarışlarına 4-cü seçmə mərhələsində – l yer
- 20-23 yaşlı gənc oğlan və qızlar Azərbaycan birinciliyi – ll yer
- Ağır atletika üzrə Respublika yarışlarına 1-ci seçmə mərhələsində – ll yer
- Milli qəhrəman Fəxrəddin Şahbazovun xatirəsinə həsr olunmuş ağır atletika üzrə Bakı şəhər açıq turnirdə – lll yer
- Ağır atletika üzrə Respublika yarışlarına 2-ci seçmə mərhələsində – ll yer
- Ağır atletika üzrə Respublika yarışlarına 4-cü seçmə mərhələsində – ll yer
- Ağır atletika üzrə Respublika yarışlarına 3-cü seçmə mərhələsində – ll yer
2020-ci ildə hərbi xidmətə yollanan Ümüd Qasımzada N saylı hərbi hissənin kəşfiyyat bölüyündə rabitəçi kimi xidmət etmişdir. Vətən müharibəsi başlayan gündən döyüşlərə qatılan Ümüd Qasımzadə 13 oktyabr 2020-ci il tarixində Füzulinin işğaldan azad olunması uğrunda gedən döyüşlərdə qəhrəmancasına şəhid olmuşdur.
👁 baxış