44 günlük Vətən müharibəsində şəhid olan Çərkəz Teyyublunun atası Vidadi Teyyubov vəfat edib.
Mecra.az xəbər verir ki, bu barədə şəhid Vüsal Vəliyevin qardaşı Elyar İslamoğlu sosial şəbəkə hesabında yazıb.
Xatırladaq ki, Teyyublu Çərkəz Vidadi oğlu 1996-cı il fevralın 1-də Lerik rayonunun Züvüc kəndində anadan olub. Füzuli və Xocavəndin azad olunması uğrunda gedən döyüşlərdə iştirak edib. 2020-ci oktyabrın 21-də Füzuli döyüşləri zamanı şəhid olub. Bakı şəhəri, Qaradağ rayonu, Şonqar qəsəbəsi Şəhidlər Xiyabanında dəfn olunub.
Ölümündən sonra “Vətən uğrunda”, “Xocavəndin azad olunmasına görə”, “Füzulinin azad olunmasına görə” medalları, III dərəcəli “Vətənə xidmətə görə” ordeni ilə təltif edilib.
Allah rəhmət eləsin!