İmişli rayonunun Boşcalılar kəndində torpaq məsələsi ilə bağlı sakinlər arasında dava baş verib. Hadisə zamanı gərginlik artaraq fiziki toqquşmaya çevrilib.
Mecra.az xəbər verir ki, bu barədə kənd sakinləri redaksiyamıza məlumat veriblər.
Kadrlarda bir neçə nəfərin münaqişəyə cəlb olunduğu və aralarında kəskin mübahisənin düşdüyü görünür.
Əməkdaşımızın əldə etdiyi məlumata görə, hadisə rayonun Boşçalılar kəndinin sakinləri arasında baş verib. Hadisə yerində icra nümayəndəsi Mirzəli Əliyev də olub və o, sakinləri sakitləşdirməyə çalışıb.
Daxili İşlər Nazirliyinin (DİN) Mətbuat Xidmətinin Şirvan regional qrupundan oxu.az-ın sorğusuna cavab olaraq bildirilib ki, görüntülər kənd sakinləri arasında torpaq mübahisəsini əks etdirir.
“Tərəflər arasında yaranan insidentlə bağlı polis şöbəsində araşdırma aparılır”, – deyə açıqlamada bildirilib.