Cəlilabad rayon Əsədli kənd sakini Ələsgərov Bəhruz Birzəbala oğlu Məcra.tv-yə müraciət edərək, bağban işlədiyi Əsədli kənd orta məktəbindən direktor Kamal Ələsgərovun onu qanunsuz işdən çıxardığını bildirib.
Bəhruz Ələsgərov atasının onkoloji xəstə olduğunu, xərçəngdən dünyasını dəyişən qardaşının da ailəsinin onun himayəsində olduğunu bildirib. Şikayətçi direktorun təklifi ilə onun şəxsi təsərrüfatında işləmədiyi üçün işdən çıxarıldığını iddia edib.
Daha ətraflı Bəhruz Ələsgərovun öz dilindən eşidək:
Direktor Kamal Ələsgərov isə Məcra.tv-yə açıqlamasında şikayətçinin iddiaları ilə razılaşmayıb. Direktor bildirib ki, Bəhruz Ələsgərov davamlı olaraq işə gəlməyib və işlədiyi müddətdə dəfələrlə töhmət alıb.