Bu gün Zaqatalada 34 yaşlı Aygün Həşimovanın küçədə qətlə yetirilməsinin bəzi təfərrüatları üzə çıxıb.
Məcra.az “Qafqazinfo”ya istinadən xəbər verir ki, hadisəni törədən 32 yaşlı Əli Səfərov saxlanıldıqdan sonra hadisəni qısqanclıq zəminində törətdiyini bildirib.
Ə.Səfərov keçmiş həyat yoldaşından Zaqatalada işlədiyi kafedəki fəaliyyətini dayandırmasını istəyib. Lakin Aygün Əlinin işdən çıxmaqla bağlı tələbini yerinə yetirməyib. Bu gün A.Həşimova işə gedərkən keçmiş həyat yoldaşı ona yaxınlaşaraq küçədə bıçaqlayıb. Çoxsaylı xəsarətlər alan qadın hadisə yerində vəfat edib.
Faktla bağlı Zaqatala Rayon Prokurorluğunda cinayət işi başlayıb, araşdırma aparılır.