44 günlük Vətən müharibəsində Xocavənd uğrunda gedən döyüşlərdə qəhrəmancasına şəhid olan leytenant Şəhriyar Məmmədovun atası Müzəffər Məmmədov vəfat edib.
Məcra.az xəbər verir ki, bu haqda şəhid qardaşı Elyar İslamoğlu sosial şəbəkədə məlumat verib.
Qeyd edək ki, Şəhriyar Məmmədov 1999-cu il fevralın 22-də Naxçıvanda anadan olub. O, 2020-ci il oktyabrın 11-də şəhid olub.
Ölümündən sonra ölkə başçısı tərəfindən “Vətən uğrunda”, “Xocavəndin azad olunmasına görə” medallarıyla və “Vətənə xidmətə görə” 3-cü dərəcəli ordeniylə təltif olunub.
Allah şəhidimizə də, atasına da rəhmət eləsin!
Ailəsinə səbr diləyirik!