“Qanunsuz tikintilər aparılmamalıdır. Hər bir qanunamüvafiq aparılan tikintinin tərəfdarıyam və hər zamanda dəstəkləyirəm. Cəlilabad rayonunda qanunamüavafiq şəkildə aparılıan tikintinin qarşısı alınmır və alına da bilməz.” – Məcra.az xəbər verir ki, bu fikirləri Cəlilabad Rayon İcra Hakimiyyətinin başçısı Rafiq Cəlilov Çinarlı kəndində keçirdiyi səyyar görüşdə bildirib.
İcra başçısı daha sonra bununla bağlı daim irəli sürdüyü üç tələbin olduğunu da açıqlayıb:
“Birinci tələbim odur ki, heç kimə rüşvət verilməməlidir. Vəzifəyə təyinat alandan elan eləmişəm ki, rayonda birmənalı olaraq rüşvət olmamalıdır. Fürsətdən istifadə edib, bir daha elan edirəm: kim, hansı vəzifə sahibi sizdən rüşvət tələb edirsə bizə məlumat verin.
İkinci tələbim odur ki, inşa edilən obyekt gözəl olmalı, qarşısı abadlaşdırılmalı və binanın forma və məzmunu ətrafın memarlıq üslubuna uyğun olmalı, gecə işıqlandırılması quraşdırlamalıdır. Hətta qarşısnda avtodayanacağı da olmalıdır.
Üçüncü tələbim odur ki, inşa edilən tikinti mühafizə zolağında olmamalıdır.
Bu tələbləri yerinə yetirənlərə hər zaman yaşıl işıq yandırılıb. Başqa bir tələbimiz yoxdur.
Allah xeyrinizi versin. Hətta beş kvadratlıq yerin inşası artıq bir nəfərin işlə təmin olunması deməkdir.”
Belediyye.info