Bərdədə intihar hadisəsi baş verib.
Məcra.az-ın Lent.az-a istinadən məlumatına görə, hadisə rayonun Hacallı kəndində qeydə alınıb.
Orada məskunlaşan məcburi köçkün, Kəlbəcər rayon sakini 23 yaşlı Leyla Mehdizadə tövlədə özünü asaraq intihar edib.
İlkin məlumata görə, onun özünə qəsd etməsinə səbəb ərindən boşanması olub.
Belə ki, L.Mehdizadə ailə problemləri ilə əlaqədar bir neçə gün əvvəl ərindən boşanıbmış. Buna dözməyən qadın canına qəsd edib.
Faktla bağlı Bərdə rayon prokurorluğunda araşdırma aparılır.