“Təbrikiniz üçün çox sağ olun, Allah köməyiniz olsun.Gələcək planlarımız yaxşı olar, yaxşı düşünürük inşallah”
Bunu Məcra.az-a açıqlamasında Ağdam Dövlət Musiqi Kollecinə direktor təyin olunan Əməkdar artist Firuz Səxavət deyib. Muğam ifaçısı buna görə Ağdam icra başçısına və Mədəniyyət nazirinə təşəkkür edib: “Quzanlıya gedib bir abu-havaya baxaq inşallah yaxşı olmalıdır. Məsləhət məni gördülər və mən də razılıq verdim. İcra başçımız, cənab nazirimiz sağ olsun”-deyə xanəndə bildirib.
Qeyd edək ki, təhsil müəssisəsinin sabiq direktoru Rafael Musayev Baş Prokuror yanında Korrupsiyaya qarşı Mübarizə Baş İdarəsi tərəfindən həyata keçirilmiş əmliyyat-axtarış tədbirləri nəticəsində əməlləri ifşa edilərək istintaqa təhvil verilib. Direktoru vəzifəsini isə müvəqqəti olaraq Teyyub Əliyev icra edib.