Ulyanovsk məhkəməsi surroqat sidr istehsalında ittiham olunan samaralı iş adamını iki ay müddətinə həbs edib.
Lent.az bildirir ki, bu barədə TASS məlumat yayıb.
O, 2023-cü il avqustun 4-nə qədər həbsdə olacaq.
Surroqat sidr istehsalında şübhəli bilinən iş adamı Ulyanovsk məhkəməsində barəsində həbs-qətimkan tədbirinin seçilməsi ilə bağlı keçirilən iclasda özünü təqsirli bilməyib.
Xatırladaq ki, Samara vilayətindən olan iş adamı Anar Afət oğlu Hüseynov saxta “Mister sidr” içkisindən zəhərlənmə işi ilə bağlı iyunun 5-də saxlanılıb. Ulyanovsk vilayətində həmin içkidən 51 nəfər zəhərlənib, onlardan 20-si dünyasını dəyişib.
Vilayət Səhiyyə Nazirliyi hazırda xəstəxanalarda 31 xəstənin həkim nəzarətində olduğunu bildirib.
Rusiyanın bir neçə regionunun sakinlərinin zəhərlənməsi, o cümlədən ölümcül nəticələr barədə bir gün əvvəl məlum olub. Əksər hallar Samarada istehsal olunan “Mister sidr” adlı spirt tərkibli içkinin istifadəsi ilə bağlıdır.