“2020-ci il noyabrın 5-də Ağcabədi rayonundakı N saylı hərbi hissəyə göndərilmişəm. Ordan da Qubadlıya getmişəm. Biz Qubadlıda olanda Vətən müharibəsi dayandı, yəni düşmən məğlub olub, kapitulyasiya aktı imzaladı. Bir həftə ermənilərlə üzbəüz mövqedə qalmışıq. Ondan sonra isə Şuşa şəhərinə göndərilmişik”
Bunu Adalet.az-a açıqlamasında Cəlilabad rayon Muğan kənd sakini, Vətən müharibəsi iştirakçısı Babaşov Elməddin İmran oğlu deyib. E.Babaşov dekabr ayına qədər Şuşada qaldıqlarını bildirib:
“Dekabrın 27-nə kimi Şuşada qalmışıq. Topxana meşəsində və Arsenal postunda xidmət etmişəm. Qubadlıda N saylı hərbi hissənin tərkibində olmuşuq. “Qubadlının azad olunmasına görə” medalıyla təltif edilmişəm. Amma mənim hərbi biletimə “Müharibə veteranı” möhürünü vurmurlar. Hərbi biletimin 7-ci səhifəsində döyüş əmri yazılıb, möhür vurulmalıdır. Amma bunu vurmurlar. Mənimlə birlikdə bir neçə hərbçi bundan şikayətçidir. Müdafiə Nazirliyinə də müraciət etmişəm, amma müsbət cavab verməyiblər.
Bəs əgər beləydisə, onda mənə niyə “Qubadlının azad olunmasına görə” medalı veriblər.
Vasif Əlihüseyn