44 günlük Vətən müharibəsində şəhid olan, çavuş Şəhriyar Əsgərovun doğulduğu Cəlilabad rayon Göytəpə şəhərində ikinci ildönümü qeyd olunub.
İl mərasimində şəhidimizin yaxınları, şəhid ailələri, qazilər, rayon rəhbərliyinin nümayəndələri və Məcra.az-ın baş redaktoru Vasif Əlihüseyn də iştirak edib.
Qeyd edək ki, Şəhriyar Əsgərov 1991-ci il aprelin 17-də anadan olub. O, Vətən müharibəsi zamanı oktyabrın 4-də Füzuli uğrunda gedən döyüşlərdə şəhid olub. Şəhidimizin nəşi neytral ərazidən götürülərək oktyabrın 18-də Cəlilabad rayon Kazımabad kənd qəbiristanlığında böyük izdihamla dəfn edilib.
Şəhid Şəhriyar Əsgərov ölümündən sonra ölkə başçısı tərəfindən “Vətən uğrunda”, “Xocavəndin azad olunmasına görə” medallarıyla və 3-cü dərəcəli “Vətənə xidmətə görə” ordeniylə təltif edilib.
Allah cəmi şəhidlərimizə rəhmət eləsin!
Vasif Əlihüseyn