Hüquqşunas, nəqliyyat üzrə ekspert Ərşad Hüseynov Bakıda avtobus yolunun zəbt edilərə, qarpız satılmasıyla bağlı özünün feyzbuk səhifəsində paylaşım edib.
Məcra.az xəbər verir ki, Ərşad Hüseynov hadisənin Babək prospektində baş verdiyini bildirib:
“Biz Bakıda tıxaclara əlac tapmaq üçün baş sındırırıq. Babək prospektinin avtobus zolağında isə qarpız satılır. Bərəkətli olsun! Qarpız yeyilməlidir. Yeyilmək üçün də satılmalıdır. Amma hər şey öz yerində daha gözəl olur. Bəlkə də bu qarpızları satan avtobus zolağının fərqində deyil. Amma həmin ərazidə xidmət edən polislər ona buranın statusunu xatırlatmalıydılar. Fotonu #DüzgünHərəkət verilişinin dinləyicisi çəkib”