Ağdamda traktor minaya düşüb.
“Qafqazinfo”nun əldə etdiyi məlumata görə, hadisə rayonun Sarıcalı kəndi ərazisində baş verib.
Belə ki, traktorçu K-700 markalı traktorla ərazidə yer şumlayan zaman tank əleyhinə minaya düşüb. Partlayış nəticəsində traktor yararsız vəziyyətə düşsə də, traktorçu xəsarət almayıb.
Hazırda aidiyyəti qurumların əməkdaşları hadisə yerində araşdırma aparır.