Cəlilabad rayonunun Moranlı, Sarxanlı və Əsədli kəndlərində yeni modul tipli məktəblər quraşdırılacaqdır.
Məcra.az xəbər verir ki, Azərbaycan Respublikasının ərazisində yeni modul tipli təhsil müəssisələrinin quraşdırılması işlərinin davam etdirilməsi məqsədilə Azərbaycan Respublikası Prezidenti cənab İlham Əliyevin 19 sentyabr 2022-ci il tarixli Sərəncamına əsasən 15 yeni modul tipli tam orta məktəb quraşdırılacaqdır.
Həmin məktəblərdən üçü rayonun Moranlı, Sarxanlı və Əsədli kəndlərinin şagirdləri üçün nəzərdə tutulub.
Belə ki, Sərəncama əsasən Moranlı kəndində 96 şagird yerlik modul tipli ümumi orta məktəb, Sarxanlı kəndində 96 şagird yerlik modul tipli ümumi orta məktəb və Əsədli kəndində 96 şagird yerlik modul tipli tam orta məktəb quraşdırılacaq.