“Sərhəd” hərbi-idman oyunlarının final mərhələsi yekunlaşıb.
Mecra.az xəbər verir ki, Azərbaycan Xalqının Ümumilli Lideri Heydər Əliyevin anadan olmasının 103-cü ildönümünə həsr edilmiş “Sərhəd” hərbi-idman oyunlarının final mərhələsinin təntənəli bağlanış mərasimi keçirilib.
Finalda respublikamızın ümumtəhsil müəsssisələrinin şagirdlərindən ibarət 11 komanda iştirak edib. Gərgin mübarizə şəraitində keçən yarışda Cəlilabad rayon Musalı kənd tam orta ümumtəhsil məktəbininin şagirdlərindən ibarət “Musalı” komandası Respublika birincisi olaraq kubokun sahibi olub.
Cəlilabad Təhsil şöbəsinin müdiri İlkin Zeynalov qazandıqları möhtəşəm qələbə münasibəti ilə “Musalı” komandasının üzvlərini, məktəbin Gənclərin çağırışaqədərki hazırlıq rəhbəri Telman Mirzəyevi qəbul edib və onlara gələcək işlərində uğurlar arzulayıb.
