Bildirilir ki, 2025/2026-cı tədris ilində Cəlilabad şəhəri Nizami Gəncəvi adına 1 nömrəli humanitar və təbiət fənləri təmayüllü lisey fəaliyyətə başlayacaq.
Mecar.az-ın məlumatına görə, bu yenilik təhsilin məzmun və keyfiyyət baxımından daha da zənginləşdirilməsi, istedadlı şagirdlərin inkişafı üçün əlverişli mühitin yaradılması istiqamətində mühüm əhəmiyyət kəsb edir.
Şagirdlərin liseyə qəbulu aşağıda qeyd edilən formada həyata keçiriləcəkdir;
Liseyə imtahanla qəbul 7, 8 və 9 siniflər üzrə aparılacaq,
Liseyə şagird qəbulu 16-17 avqust tarixlərində 📚Azərbaycan dili və 🧮riyaziyyat fənlərindən olmaqla imtahan yolu ilə həyata keçiriləcək,
Övladlarının liseyə qəbulu üçün imtahanlarda iştirak etməyini istəyən valideynlər 5 avqust 15:00 tarixindən 13 avqust 18:00 tarixinə qədər sy.edu.az platforması üzərindən qeydiyyatdan keçə bilərlər.
Qeydiyyatla bağlı hər hansı çətinlik və suallar yaranarsa, Cəlilabad rayonu üzrə təhsil sektoruna müraciət edə bilərsiniz.
Liseyə qəbul imtahanlarında iştirak edəcək bütün şagirdlərə uğurlar arzulayırıq.
Vasif ƏLİHÜSEYN