Oxu.Az xəbər verir ki, imtahan nəticələrinə əsasən, Neftçala rayonunun Qədimkənd kənd orta məktəbinin məzunu Müşfiq Aqil oğlu Əlili I ixtisas qrupu üzrə ən yüksək nəticə – 400 balı toplayanlardan biridir.
Müşfiq Əlilinin sözlərinə görə, 2008-ci ildə Neftçalanın Aşağı Qaramanlı kəndində doğulub:
“2014-cü ildə Aşağı Qaramanlı kənd ümumi orta ümumtəhsil məktəbində 1-ci sinfə getmişəm. 2023-cü ildə həmin məktəbin 9-cu sinfini fərqlənmə attestatı ilə bitirmişəm, 10-cu sinifdən etibarən S.Kərimov adına Qədimkənd kənd tam orta ümumtəhsil məktəbində təhsilimi davam etdirmişəm. 2025-ci ildə həmin məktəbdə 11-ci sinfi fərqlənmə attestatı ilə bitirmişəm. DİM-in keçirdiyi buraxılış imtahanında 298.3 bal, blok imtahanında 400 bal toplamışam. İxtisas olaraq informasiya təhlükəsizliyini seçmişəm. Respublika fənn olimpiadasının riyaziyyat və informatika fənləri üzrə yarımfinal mərhələsində iştirak etmişəm. Əziyyət çəkən şəxsin həmişə zəhmətinin nəticəsi olur”, – deyə o bildirib.
