Bakının Abşeron rayonu Hökməli qəsəbəsində anti-sanitar vəziyyət hökm sürür.
Mecra.az xəbər verir ki, bu barədə hərbi ekspert Ədalət Verdiyev özünün feysbuk səhifəsində pylaşım edib. O, qəsəbədə beton yol adlanan ərazinin sonunda iki yüz metr uzunluğunda olan ərazinin zibilliklə dolu olduğunu bildirib:
“Hökməlidə mövcud olan və aylarla təmizlənməyən 200 metr uzunluğunda zibilxanaya görə Abşeron rayonu Ginnesin rekordlar kitabına düşə bilər. Kənd bələdiyyəsi, rayon icra hakimiyyəti və deputat hara baxır? Ümumiyyətlə yolsuz, susuz və zibil içində boğulan bu ərazidən kiminsə xəbəri var? Rəhbər şəxslər bu kəndə gəlmir, əhalinin problemləri ilə qətiyyən maraqlanmır.
Videonu bu gün səhər saat 9-da özüm çəkmişəm. O, Hökməli bələdiyyəsinin fəaliyyətini sərt tənqid edib”.
Hazırladı: Vasif
👁 baxış