Lənkəranda ferma yanıb, mal-qara tələf olub.
Mecra.az “Qafqazinfo”ya istinadla xəbər verir ki, hadisə rayonun İstisu qəsəbəsində baş verib.
Belə ki, meşə zolağına yaxın ərazidə rayon sakininə məxsus fermada yanğın meydana gəlib.
Lənkəran yanğından mühafizə hissəsinin əməkdaşları yanğına operativ müdaxilə edərək kənd sakinlərini təxliyə edib.
Qısa müddətdə yanğın lokallaşdırılıb. Meşə zolağı və ətrafda olan kənd təsərrüfatı texnikaları yanğından mühafizə olunub.
Hazırda yanğının tam qarşısını almaq üçün işlər davam etdirilir.
Qeyd edək ki. Hadisə zamanı fermada 5 baş iribuynuzlu heyvan, 10 mindən çox ot bağlaması yanaraq külə dönüb.
