Lənkəranda bədbəxt hadisə baş verib.
Mecra.az “Qafqazinfo”ya istinadla xəbər verir ki, hadisə rayonun Səpnəkəran kəndində qeydə alınıb.
Belə ki, kənd sakini 1983-cü il təvəllüdlü Xanım Səfərova hamam otağında huşsuz halda tapılıb.
Hadisə yerinə Təcili tibbi yardım çağırılsa da, qadının öldüyü məlum olub.
Araşdırma zamanı məlum olub ki, mərhum hamamı isitmək üçün kömürdən istifadə edib.
İlkin ehtimala görə, kömürdən ayrılan zəhərli dəm qazı (karbon monoksid) qapalı məkanda yığılaraq onun boğulmasına səbəb olub.
Faktla bağlı Lənkəran Rayon Prokurorluğunda araşdırmalar başlayıb.