Cəlilabad rayonunda Vətən müharibəsi şəhidi Şəhriyar Əsgərovun xatirəsinə həsr olunmuş bulağın açılışı olub.
Məcra.az xəbər verir ki, bulaq rayonun Göytəpə şəhərində inşa edilib.
Açılışda ayon rəsmiləri, şəhidin yaxınları, qazilər, ictimaiyyət nümayəndələri və şagirdlər iştirak edib.
Tədbirdə çıxış edənlər şəhidin keçdiyi qəhrəmanlıq yolundan geniş söhbət açıblar.
Qeyd edək ki, Şəhriyar Əsgərov 1991-ci il aprelin 17-də anadan olub. O, Vətən müharibəsi zamanı noyabrın 3-də Xocavənd uğrunda gedən döyüşlərdə şəhid olub. Şəhidimizin nəşi neytral ərazidən götürülərək noyabrın 18-də Cəlilabad rayon Kazımabad kənd qəbiristanlığında böyük izdihamla dəfn edilib.
Şəhid Şəhriyar Əsgərov ölümündən sonra ölkə başçısı tərəfindən “Vətən uğrunda”, “Xocavəndin azad olunmasına görə” medallarıyla və 3-cü dərəcəli “Vətənə xidmətə görə” ordeniylə təltif edilib.
Allah cəmi şəhidlərimizə rəhmət eləsin!
Vasif Əlihüseyn
