“Səs Azərbaycan” layihəsinin münsiflər heyəti yenilənib.
Məcra.az xəbər verir ki, bu barədə İctimai Televiziya və Radio Yayımları şirkəti məlumat paylaşıb.
Bildirilib ki, ustadlar siyahısında Xalq artistləri, Röya və Zülfiyyə Xanbabayeva, o cümlədən, Avroviziya 2011 mahnı müsabiqəsinin qalibi Eldar Qasımov və bəstəkar-müğənni Murad Arif yer alacaq.
Onu da deyək ki, Zülfiyyə Xanbabayeva, Eldar Qasımov və Murad Arif yarışmada bir neçə dəfə münsiflər heyətində çıxış etsələr də, bu, Röya Ayxanın səs müsabiqəsindəki ilk sezonu olacaq.
Qeyd edək ki, “The Voice” dünyanın bir çox ölkəsində yayımlanan vokal televiziya şousudur. Bu formatda ilk televiziya şousu holland prodüseri Con de Mol tərəfindən yaradılmış və 2010-cu ildə Hollandiya televiziyasında nümayiş etdirilən Hollandiyanın səsi olmuşdur.