“Mövzu aktualdır və narahatlıq doğurur. Ən vacib məsələ isə ailə övlad münasibətlərində müqəddəs olan dəyərlər pozulur. Digər tərəfdən insanlarda ciddi psixoloji pozuntular müşahidə edilməkdədir”
Bunu Məcra.az-a açıqlaması zamanı “Təmiz Dünya” Qadınlara Yardım İctimai Birliyinin sədri Mehriban Zeynalova deyib. M.Zeynalova övladların valideyn qatili olmasının müxtəlif səbəbləri olduğunu bildirib:
“Həyatda yaşadıqları çətinlik və gərginliklərin öhdəsindən gələ bilməyən, yaxud ona qarşı baş vermiş ədalətsizliyi ailədə görənlər var. Hansısa təhriklər də mövcud ola bilər. Ailədə övlada qarşı şəxsiyyət yanaşmasının olmaması bu münasibətləri daha da poza bilir. Bəzən valideyni bütün məsələlərdə ona mütləq maddi yardım göstərməlidir kimi baxan övladlar da cinayətlərə əl ata bilərlər. Faktla bağlı ailə üzvlərindəki münasibətlərində ətrafın təsiri mütləq araşdırılmalıdır”.
Səbinə Qürbətli