Xalq artisti Gülyaz Məmmədova İraqda möhtəşəm festivalda çıxış etdi-FOTOLAR

İrakın Bağdad şəhərində 3-7 Dekabr günlərində Beynəlxalq irs festifalı keçirilib. Dekabrın 6-da Azərbaycanı Xalq artisti Gülyaz Məmmədova və Azərbaycan Muğam qrupu Ansanblı təmsil edib.

Məcra.az xəbər verir ki,  bədii rəhbəri İdris Hüseynovun rəhbərliyi ilə Muğam qrupu Ansanblın digər üzvləri-kamançada Fərid Babayev, balabanda Adil Müslümov, ritm alətlərində Vəfadar Ramizadə müşayiət ediblər.

Tədbirdə Muğam ansamblının solisti Xalq artisti Gülyaz Məmmədova muğam, xalq mahnıları və təsnifləri ifa edib. Tədbirdə yalnız İrak xalqının görkəmli nümayəndələri, dövlət adamları, nazirləri iştirak edib. Konsert böyük rəğbət və alqışlarla qarşılanıb Azərbaycan musiqisi İrak xalqının dərin marağına səbəb olub.

“alshaab Hall-People”s Hall”da keçirilən konsertdə festivalın təşkilatçısı Muana bəy ( Muanna Jehad) qeyd edib ki, “İllər öncə Bağdad şəhərində dahi sənətkar, dünya şöhrətli Rəşid Behbudov belə möhtəşəm konsert vermişdir. İkinci dəfə Gülyaz xanımın verdiyi konsert bizi çox heyran etdi”.

Bir necə gün davam edən bu festivalda Azərbaycan və türk Kərkük xalqları, türkmənlər, İrakın başqa-başqa şəhərlərinin orkestrləri məşhur ifaçıları və başqları çıxış edib. Konsertin sonunda hər bir iştirakçı mükafatlarla təltif olunub.

Konsertdən fotoları təqdim edirik: