Neftçalada şəhid anasına qarşı soyğunçuluq edilib.
Məcra.az “Qafqazinfo”ya istinadən xəbər verir ki, noyabrın 27-nə keçən gecə şəhid Telman Kəlbiyevin anası Dilşad Kəlbiyevanın evinə naməlum şəxslər daxil olub. Maskalı şəxslər 72 yaşlı qadını hədələyərək onun 800 manat pulunu götürərək qaçıblar.
DİN-in Mətbuat Xidmətinin Şirvan regional qrupundan “Qafqazinfo”ya bildirib ki, qeyd edilən soyğunçuluq faktı ilə bağlı Neftçala RPŞ-də cinayət işi açılıb. Əməli törədən şəxs və şəxslərin müəyyən edilərək məsuliyyətə cəlb olunması istiqamətində əməliyyat-axtarış tədbirləri davam etdirilir.
Qeyd edək ki, şəhid Telman Kəlbiyevin nəşi həlak olandan xeyli sonra – 26 dekabr 2020-ci il tarixdə tapılmışdı.