Cəlilabad rayonu Çünzəli kəndindən olan şəhid Nəciməddin Quliyevin sosial şəbəkələrdə yaxın qohumu ilə video danışığı yayılmışdı.
Həmin videoda Nəciməddin Quliyev şəhid olmamışdan əvvəl şəhid olacağı təqdirdə hərbi qulluqçu ailəsinə verilən sığorta ödənişi hesabına Çünəzli kəndində videoda qeyd etdiyi kənddaxili yollara asfalt vurulmasını vəsiyyət etmişdir.
Bu gün Cəlilabad Rayon İcra Hakimiyyəti və 46 nömrəli Yol İstismarı İdarəsi tərəfindən şəhidimizin vəsiyyəti yerinə yetirilmiş və ümumi uzunluğu 1,4 kilometr olan həmin yollara asfalt örtüyü döşənir.
Qeyd edək ki, bu gün şəhidimiz Çünzəli kənd qəbiristanlığında son mənzilə yola salınacaqdır. Allah bütün Şəhidlərimizə rəhmət eləsin!