İyunun 26-da Sumqayıt şəhəri ərazisində 36 yaşlı Leyla Muradovanın öldürülməsi barədə şəhər prokurorluğuna məlumat daxil olub.
Şəhər Prokurorluğundan Lent.az-a verilən xəbərə görə, aparılmış araşdırma zamanı 30 yaşlı Balafər Muradovun aralarında yaranmış mübahisə zamanı arvadı Leyla Muradovaya bıçaqla xəsarətlər yetirərək onu qəsdən öldürməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Balafər Muradov şübhəli şəxs qismində tutularaq istintaqa cəlb olunub.
Hazırda istintaq tədbirləri davam edir.
***
Sumqayıtda qətl hadisəsi olub.
Daxili İşlər Nazirliyindən Lent.az-a verilən xəbərə görə, iyunun 26-də saat 16 radələrində Sumqayıt şəhərində evlərin birində 36 yaşlı Muradova Leyla Bəhrəm qızının kəsilmiş-deşilmiş xəsarətlərdən ölməsi barədə polisə məlumat daxil olub.
Cinayət əməlini törətməkdə şübhəli bilinən, qadının həyat yoldaşı 30 yaşlı Muradov Balafər Əlifağa oğlu polisə gələrək təslim olub. O, saxlanılıb.
Araşdırma aparılır.