“Azərpoçt” MMC-nin İdarə Heyətinin (İH) sədri vəzifəsini icra edən İsi Mustafayev işdən çıxıb.
Mecra.az “Report”a istinadən xəbər verir ki, o, “PAŞA Kapital İnvestisiya Şirkəti” QSC-nin İH sədrinin müşaviri vəzifəsinə təyinat alıb.
Bildirilib ki, İ. Mustafayev 2000-ci ildən müxtəlif şirkət və banklarda iqtisadçı və departament direktoru kimi rəhbər vəzifələrdə çalışıb, 2021-2022-ci illərdə “Azərpoçt”un baş direktorunun müavini vəzifəsini icra edib, həm də şirkətin İdarə Heyətinin üzvü olub.
***
APA-nın məlumatına görə, “Azərpoçt” MMC-nin İdarə Heyətinin (İH) sədri vəzifəsi Manaf Babayevə həvalə edilib.
Qeyd edək ki, M. Babayev bundan öncə Azərbaycan Nəqliyyat və Kommunikasiya Holdinqində (AZCON) baş maliyyə direktorunun müavini olaraq çalışıb.
Fotoda: Manaf Babayev
