Rusiyada bir adam qızının özünə oxşamamasına görə arvadının onu aldatdığını düşünüb.
Məcra.az xəbər verir ki, acı həqiqət 40 il sonra bir televiziya verilişində ortaya çıxıb. Ailənin yeni doğulan qızının doğum evində başqa bir körpəylə dəyişik düşdüyü məlum olub.
Televiziya kanalına üz tutan Alyona Romanova adlı qız böyüdüyü ailəyə oxşamaması səbəbindən həmişə şübhə edib. Alyonanın atası da qızının ona oxşamamasına görə arvadını onu aldatmaqda ittiham edib. Ailə bu şəkildə düz 40 il birlikdə yaşayıb. Nəhayət DNK analizindən sonra Alyonanın həqiqətən də ailənin qızı olmadığı məlum olub. Başlarına gələn hadisənin şokundan çıxa bilməyən Alyona hər şeyi televiziya verilişində aydınlaşdırıb.
Doğma ata və anasını axtarmağa başlayan Alyona televiziyadakıların yardımıyla əsl həqiqəti ortaya çıxarıb. Məlum olub ki, 40 il öncə doğum evində Alyona ilə ailənin gerçək qızı dəyişik düşüb. Həqiqətin ortaya çıxması tamaşaçıların da təəccübünə səbəb olub. SONDAKİKA.COM