Oktyabrın 5-də Lənkəran şəhər Heydər Əliyev Mərkəzində “5 oktyabr Beynəlxalq Müəllimlər Günü” münasibətilə tədbir keçirilib.
Məcra.az Asiya.az-a istinadla xəbər verir ki, görüşdə müxtəlif nominasiyalar üzrə təhsil işçilərinə Fəxri fərmanlar təltif olunub və hədiyyələr təqdim olunub. Nominasiyalar aşağıdakı kimi qruplaşdırılıb:
1. İctimai işlərdə fəallıq göstərdiyinə görə;
2. MİQ müsabiqəsində yüksək nəticə əldə etdiyinə görə;
3. Pedaqoji sahədə səmərəli fəaliyyətinə, gənc nəslin təlim-tərbiyəsində qazandıqları uğurlarına görə;
4. V Qrant layihəsində qalib olduğuna görə;
5. Şagirdləri ali məktəblərə qəbul imtahanında yüksək nəticə göstərdiyinə görə;
6. Şagirdləri buraxılış imtahanlarında yüksək nəticə göstərdiyinə görə;
7. Şagirdləri Respublika Fənn Olimpiadasında yüksək nəticə göstərdiyinə görə.
Azərbaycan Respublikası Prezidentinin müvafiq Sərəncamına əsasən Azərbaycan təhsilinin inkişafında xidmətlərinə görə təhsil işçilərinə “Əməkdar müəllim” və “Tərəqqi” medalı ilə təltif olunan, həmçinin Azərbaycan Respublikası Elm və Təhsil Naziri “Azərbaycan Respublikası qabaqcıl təhsil işçisi” döş nişanı ilə və “Azərbaycan Respublikası Elm və Təhsil Nazirinin” fəxri fərmanı ilə təltif olunan müəllimlər iştirak edib.
Tədbirdə rəsmi qonaq qismində Lənkəran, Masallı və Yardımlı rayonlarının İcra Hakimiyyəti başçılarının müavinləri iştirak edib.
Bir daha bütün təhsil işçilərini Beynəlxalq Müəllimlər Günü münasibətilə təbrik edirik, uğurlar arzulayırıq.
