Cəlilabad rayonunda ağır yol qəzası baş verib.
Məcra.az Report-a istinadən xəbər verir ki, Ələt-Astara avtomobil yolunun rayon ərazisindən keçən hissəsində VAZ 2107 markalı minik avtomobili yol kənarındakı ağaca çırpılıb.
Qəza nəticəsində iki nəfər – Mübariz Aslanov və Niyaz Rəcəbov ölüb, bir neçə nəfər yaralı isə xəstəxanaya çatdırılıb.
Faktla bağlı araşdırma aparılır.
Qeyd edək ki, vəfat edənlərin hərbçi olduğu bildirilir.