Ermənistan silahlı qüvvələri tərəfindən dövlət sərhədində törədilən genişmiqyaslı təxribatın qarşısını alarkən şəhidlik zirvəsinə ucalan Azərbaycan Silahlı Qüvvələrinin müddətdən artıq xidmət etmiş hərbi qulluqçusu, MAXE Kəlbiyev İsa Rəhim oğlu Cəlilabad rayonunun Göytəpə qəsəbəsində böyük izdihamla dəfn edilib.
Məcra.az xəbər verir ki, şəhidin dəfn mərasimində Cəlilabad Rayon İcra Hakimiyyətinin başçısı Rafiq Cəlilov, Milli Məclisin sədr müavini Fəzail İbrahimli, deputatlar Malik Həsənov, Elman Nəsirov, hüquq mühafizə orqanlarının rəhbərləri, rayon ictimaiyyətinin nümayəndələri, qazilər, müharibə veteranları, kənd sakinləri və şəhidin doğmaları iştirak ediblər.
Mərasimdə Azərbaycanın Dövlət Himni səsləndirilib, tabut üzərinə çəkilmiş üçrəngli Azərbaycan bayrağı şəhidin atasına təqdim edilib. Şəhidin xatirəsinə yaylım atəşı açılıb.
Allah cəmi şəhidlərimizə rəhmət eləsin!
