Azərbaycanda qeyri-iş günü – bayram tətili bir də 4 aydan sonra – noyabr ayında olacaq.
Mecra.az xəbər verir ki, iyul, avqust, sentyabr və oktyabr aylarında bayram yoxdur.
Yalnız oktyabrın 18-i Dövlət Müstəqilliyin Bərpası Günüdür. Həmin gün hər il bayram kimi qeyd olunan iş günüdür.
Növbəti qeyri-iş günü noyabr ayına təsadüf edəcək. 8 Noyabr Zəfər Günüdür. Noyabrın 9-da isə Azərbaycan Respublikasının Dövlət Bayrağı Günü qeyd olunacaq. Hər iki gün qeyri-iş günü olan bayramdır.
Noyabrın 8 və 9-u şənbə-bazardır. Əmək qanunvericiliyinə əsasən, əgər qeyri-iş günləri şənbə-bazara düşərsə, növbəti gün (günlər) istirahət günü sayılır. Beləliklə, noyabrda ardıcıl 4 gün – 8,9,10 və 11-də iş olmayacaq.
İlin sonuncu bayramı isə 31 Dekabr – Dünya Azərbaycanlılarının Həmrəyliyi Günüdür (teleqraf.az).
👁 baxış