Xəbər verdiyimiz kimi, bu gün Bakı Konqres Mərkəzində respublika fənn olimpiadaları qaliblərinin mükafatlandırma mərasimi keçirilib.
Mecra.az xəbər verir ki, tədbirdə iştirak edən Elm və təhsil naziri Emin Əmrullayev olimpiada qaliblərini qazandıqları uğur münasibətilə təbrik edib. Nazir bu uğurların davamlı olacağına və əldə olunan təcrübənin gələcəkdə daha böyük nailiyyətlərə imkan yaradacağına əminliyini bildirib.
Olimpiadada medal qazanan şagirdlərdən biri də Cəlilabad şəhər Üçtəpə kənd Məzahir Ağayev adına tam orta məktəbin şagirdi Kərimov Kərim Eldəniz oğludur O, olimpiadada 2-ci yerə layiq görülərək gümüş medal qazanıb.
Xatırladaq ki, 2024-2025-ci tədris ilində sözügedən olimpiadalarda 8 fənn üzrə ümumilikdə 95 nəfər qızıl, 170 nəfər gümüş və 249 nəfər bürünc medal qazanıb.
Səbinə QÜRBƏTLİ
