Vətən müharibəsində qəhrəmancasına şəhid olan hərbçimiz Şəhriyar Əsgərovun valideynləri Qarabağa səfər edib.
Mecra.az xəbər verir ki, bu haqda Cəlilabad rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri, Qarabağ veteranı Fizuli Cəfərov məlumat verib.
Qeyd edək ki, Şəhriyar Əsgərov 1991-ci il aprelin 17-də anadan olub. O, Vətən müharibəsi zamanı noyabrın 3-də Xocavənd uğrunda gedən döyüşlərdə şəhid olub. Şəhidimizin nəşi neytral ərazidən götürülərək noyabrın 18-də Cəlilabad rayon Kazımabad kənd qəbiristanlığında böyük izdihamla dəfn edilib.
Şəhid Şəhriyar Əsgərov ölümündən sonra ölkə başçısı tərəfindən “Vətən uğrunda”, “Xocavəndin azad olunmasına görə” medallarıyla və 3-cü dərəcəli “Vətənə xidmətə görə” ordeniylə təltif edilib.
Allah cəmi şəhidlərimizə rəhmət eləsin!
👁 baxış