İsrail daim ABŞ peyklərinin kəsfiyyat imkanlarından istifadə edir, buna görə də İranın raket zərbələri və digər hava hücum vasitələrnin buraxılışı anında qeydə alınır, izlənilir, ələ keçirilir. Real təhlükə yaradan hədəflər maksimum məhv edilir. Amma İsrail HHM kompleksləri kütləvi ballistik raket hücumları zamanı məhvetmə prosesini tam həyata keçirə bilmir.
Bəzi raketlər İsrailin ərazisində ciddi dağıntılara törədə bilib. Ümumiyyətlə dünyada heç bir HHM sistemi kütləvi raket hücumundan 100 faiz müdafiəni təmin edə bilmir.
İranın ABŞ bazalarına zərbə endirməsi barədə bəyanat verməsi səhv addımdır. İsrailə də lazım olan budur. Çünki ABŞ müharibəyə müdaxilə üçün bəhanəsi (casus belli) olmalıdır. Bu bəhanəni başsız İran rəhbərliyi özü səsləndirdi. İndi İrana yaxın ölkələrdən birində yerləşən ABŞ bazasında kiçik bir partlayış (bəlkə də süni bir partlayış) İran rejiminin sonunu daha tez gətirəcək.
Xatırlayırsınızsa Nikol Paşinyanın da 2018-cubikdə sərxoş halda verdiyi bir bəyanat Azərbaycan dövlətinə imkan verdi ki, ən qısa müddətdə Ermənistanı darmadağın etsin, ərazilərini işğaldan azad etsin.
Hindistanın axmaq bəyanatları ilə başladığı muharibə də Pakistanın qələbəsi ilə başa çatdı.
Ukrayna da səhv addımları ilə Rusiyaya müdaxilə üçün şərait yaratdı.
İran rejimi də indi Ermənistanın və Hindistanın eyni səhvlərni təkrar edir. Bu bacıların özgə səhvlərindən nəsə öyrənmək vərdişi hələ formalaşmayıb. Odur ki, Hindistan və Ermənistan kimi İran rejimi süquta uğrayacaq.
Doğrudan da dostları və müttəfiqləri düzgün seçmək məsələsində Azərbaycan dövlət başçısının misli bərabəri yoxdur. Dövlətimizlə, Prezidentimizlə fəxr edirəm, qürur duyuram!
Ədalət Verdiyev,
hərbi ekspert
👁 baxış