Xırdalan şəhəri, Heydər Əliyev prospektində yerləşən AAAF Yaşayış Kompleksində və Nizami Gəncəvi küçəsində 14 saatdır ki, su gəlmir.
Bu barədə “Qafqazinfo”ya müraciət edən sakinlər məlumat verib.
Məsələ ilə bağlı Azərbaycan Dövlət Su Ehtiyatları Agentliyinə sorğu ünvanladıq. Qurumdan bildirildi ki, həmin ünvanı qidalandıran su anbarında dezinfeksiya işləri aparılır: “Buna baxmayaraq ehtiyat xətlə suyun verilməsi həyata keçirilib, yaxın saatlarda işlər yekunlaşacaq”.