Mecra.az şair Gülbala Teymurun şeirini təqdim edir:
Bir az tez dönsəydin Azərbaycana…
( poemadan bir parça)
Nə toprpaq gedərdi, nə qan düşərdi,
Düşmən də olmazdı insan insana.
Bu vətən güclənər, möhkəmlənərdi,
Bir az tez dönsəydin Azərnaycana.
Sənin dönməyinə sədd çəkirdilər,
Bunu sən biliidin, biz də görürdük.
Düşmənlər qisasa köklənirdilər,
Biz hər gün dirilib, hər gün ölürdük.
Xalqı qoymuşdular avara, yalqız,
İnsanıar qalmışdı dərədə, düzdə.
Qana susamışdı erməni qansız,
Rəyasət davası gedirdi bizdə.
Söz verən çox idi, kömək edən az,
Həyacan, ah vardı xalqın səsində.
Hər gün kəndlərimiz gedirdi güdaz,
Hər gün uduzurduq hərb cəbhəsində.
Qarışıq düşmüşdü bütün kələflər,
Telefon xətləri kəsili idi.
Nə qədər səhv vardı, nə qədər səhvlər,
Nazirlə prezident küsülü idi.
Nə xəbər var idi, nə xəbər verən,
Qarabağ can verdi içi-içində.
Bəşər görməmişdi belə bir şüvən,
Xocalı can verdi qanlar içində.
Nə toprpaq gedərdi, nə qan düşərdi,
Düşmən də olmazdı insan insana.
Bu vətən güclənər, möhkəmlənərdi,
Bir az tez dönsəydin Azərnaycana.
👁 3 baxış