Biləsuvar rayonunda ağır yol-nəqliyyat qəzası baş verib.
“Qafqazinfo” xəbər verir ki, hadisə köhnə Bakı-Astara magistralından rayonun Əsgərabad kəndinə giriş hissəsində qeydə alınıb.
Belə ki, “Vaz 2115” və “Mercedes” markalı minik avtomobilləri toqquşub.
Qəza nəticəsində müxtəlif dərəcəli xəsarətlər alan 5 nəfər Biləsuvar Rayon Mərkəzi Xəstəxanasına çatdırılıb.
Faktla bağlı araşdırma aparılır.
***
Biləsuvardakı yol qəzasında yaralananların adları məlum olub.
Xəsarət alanlar Biləsuvarın Təzəkənd sakinləri – Abbasov Sabahəddin (1973-cü il təvəllüdlü), Əliyev Təbriz (1982-ci il təvəllüdlü), Abasov Fəzail Qədəş oğlu (1985-ci il təvəllüdlü) və Cəlilabad rayon sakinləri – Ramil Turabov (1984-cü il təvəllüdlü) Şücaət Quliyevdir (1968-ci il).
