Goranboy rayonunda intihar hadisəsi baş verib.
Mecra.az-ın “Qafqazinfo”ya istinadla məlumatına görə, hadisə rayonun Nizami kəndində qeydə alınıb.
Kəlbəcər rayon sakini 40 yaşlı Asəf Məmmədov qayınatasının evində özünü asıb. Onun meyiti yaxınları tərəfindən tapılıb.
Mərhumun hansı səbəbdən intihar etdiyi məlum deyil. A. Məmmədovun ailəli olduğu bildirilir.
Hadisə yerinə hüquq-mühafizə orqanı əməkdaşları cəlb olunub.
Faktla bağlı araşdırma başlanılıb.