Güclü külək Zaqatalada bir sıra fəsadlar törədib.
Məcra.az qafqazinfo.az-a istinadla xəbər verir ki, şəhərin Vasif Qurbanov küçəsində beşmərtəbəli yaşayış binasının dam örtüyünün bir hissəsi uçub.
Bundan əlavə küləyin təsirindən şəhərin müxtəlif ərazilərində irigövdəli ağaclar aşıb.
Bu səbəbdən ərazidən keçən elektrik naqilləri qırılıb, rayon mərkəzinin və ətraf kəndlərin bəzi hissəslərində elektrik enerjisinin verilməsində fasilələr yaranıb.
Hazırda müvafiq qurumların əməkdaşları əraziyə cəlb olunub və fəsadların aradan qaldırılması istiqamətində işlər aparılır.