“Ulduz” jurnalı və “Xalq qəzeti” yeni layihəyə başlayıb.
Məcra.az xəbər verir ki, bu barədə jurnalın baş redaktoru Qulu Ağsəs məlumat verib.
O bildirib ki, bu layihə bir ilkə imza atır.
“Belə ki, efirdə yayımlanan veriliş müsahibə kimi “Ulduz” jurnalı və “Xalq qəzeti”ndə yayımlanacaq. “Ayrı söhbət” adlı verilişin ilk çəkilişi artıq baş tutub. Qonaq dəyərli ədəbiyyat və dövlət xadimi Hidayət Orucov olub.
Tamaşaçılar verilişi bu həftəsonu izləyə biləcəklər”, – baş redaktor əlavə edib.
İdeya müəllifi və aparıcısı Qulu Ağsəs olan verilişdə tək ədəbiyyat adamları yox, unudulmuş, maraqlı sənət adamları da çıxış edəcəklər (APA).