Cəlilabad rayon Göytəpə şəhərində 44 günlük Vətən müharibəsində qəhrəmancasına şəhid olan Əlikram Qabil oğlu Xanışovun adı yaşadığı küçəyə verilib.
Məcra.az xəbər verir ki, Əlikram Xanışov 8 fevral 2000-ci ildə Göytəpə şəhərində andan olub. O, 2018-ci ildə V.Hüseynova adına Göytəpə şəhər 2 saylı tam orta məktəbi bitirib. Hərbi xidmətini başa vurduqdan sonra müddətdən artıq hərbi qulluqçu kimi xidmətini davam etdirib. Əlikram 44 günlük Vətən müharibəsi zamanı Talış yüksəkliyi və Suqovuşan istiqamətində gedən döyüşlərdə şücaət göstərib.
O, oktyabrın 2-də şəhid olsa da, onu nəşi altmış gündən onra tapılıb və dəfn edilib. Şəhid Əlikram Xanışov ölümündən sonra ölkə başçısı tərəfindən “Vətən uğrunda”, “Suqovuşanın azad olunmasına görə” və “Cəsur döyüşçü” medallarıyla təltif edilib.
Qeyd edək ki, bundan öncə Göytəpə şəhərində 9 küçəyə şəhid adı verilib.
Allah cəmi şəhidlərimizə rəhmət eləsin!
Vasif ƏLİHÜSEYN
