Lerikdə yanıq xəsarətləri alan 2 yaşlı uşaq ölüb.
Məcra.az xəbər verir ki, 2022-ci il təvəllüdlü Vüqar Abbaslı bu gün səhər səhər yanıq xəsarətlərindən xəstəxanada vəfat edib.
Qeyd edək ki, hadisə ötən gecə Lerik rayonunun Şinəbənd kəndində baş verib. Odun peçindən çıxan alov 2 yaşlı uşağın və valideynlərinin üstünə düşüb. 2 yaşlı uşağın bədəninin çox hissəsinin yandığı bildirilirdi.
Faktla bağlı araşdırma aparılır.
04:57
***
Lerik rayonunda ehtiyatsızlıq üç nəfərin yanıq xəsarətləri almasına səbəb olub.
Məcra.az “Qafqazinfo”ya istinadla xəbər verir ki, hadisə rayonun Şinəbənd kəndində baş verib.
Belə ki, hadisəyə səbəb 1987-ci il təvəllüdlü Abbasov Rüfət Güloğlan oğlunun evdə odun peçini yandırarkən benzindən istifadəsi olub.
Peçdən çıxan alov R.Abbasovun və yaxınlıqda olan uşaq 2022-ci il təvəllüdlü V.R.Abbaslının üzərinə düşüb. Uşağın anası, 1989-cu il təvəllüdlü Qasımova Afiqə İbrahim qızı uşağın paltarlarını çıxarmağa çalışıb. Bu zaman ananın hər iki əli 1 və 2-ci dərəcəli termiki yanıq xəsarətləri alıb.
Azyaşlı Lənkəran Rayon Mərkəzi Xəstəxanasının reanimasiya şöbəsinə yerləşdirilib. Həkimlər uşağın vəziyyətini ağır qiymətləndirir. Ona bədənin 90% termiki yanıq diaqnozu qoyulub.
Valideyinlər aldıqları yanıq xəsarətlərinə görə Lerik Rayon Mərkəzi Xəstəxanasına çatdırılıb.
Fakt araşdırılır.
👁 baxış