2024-cü il ədəbiyyat üzrə Nobel mükafatına Cənubi koreyalı yazıçı Han Kang layiq görülüb.
Məcra.az xəbər verir ki, bu barədə məlumatı Nobel Komitəsi yayıb.
Bildirilib ki, 53 yaşlı yazıçı mükafatı “tarixi travmalara qarşı gələn və insan həyatının kövrəkliyini təcəssüm etdirən intensiv poetik nəsrinə görə” əldə edib.
Qeyd edək ki, H.Kang 2007-ci ildə yazdığı “The Vegetarian” romanına görə məşhurluq qazanıb və 2016-cı ildə bu romana görə Buker mükafatına layiq görülüb. Onun, həmçinin “Human acts”, “The White Book” romanları da populyardır (qafqazinfo).
