Sentyabrın 22-si saat 16:43:36-da Azərbaycana payız fəsli daxil olub.
Bakı Dövlət Universitetinin (BDU) Astrofizika kafedrasından Məcra.az-a verilən məlumata görə, bu zaman payız gecə-gündüz bərabərliyi qeydə alınıb.
Günəş ekliptika üzrə hərəkət edib ekvatoru kəsərək, Şimal yarımkürəsindən Cənub yarımkürəsinə keçib. Həmin andan Şimal yarımkürəsində payız, Cənub yarımkürəsində yaz fəsli başlayıb.
Payız fəslinin uzunluğu 89 gün 20 saat 36 dəqiqə 54 saniyə olacaq.